Bigarren urtez pedagogia proiektua egiten ari dira Sakana Lanbide Heziketa Merkataritza Zerbitzuko 1. eta 2. mailetako ikasleak eta irakasleak. Teoria ikasketak praktikarekin uztartzeko ikasleak Belardi elkartearekin eta Sakanako Garapen Agentziarekin elkarlanean ari dira. Guztien artean ibarreko produktuak nagusi diren eguberri saskiak egin dituzte. Haiek guztiek zarea nolakoa izanen den zehaztu dute eta 2. mailakoak izanen dira biltegiratze operazio bereziak, bezeroari arreta eta merchandising ikasgaiak ere praktikan jarriko dituztenak. Ibarreko ekoizleen produktuak dituzten eta bertako ikasleek sortutako saskiak 50 euroko balioa dute. Ostiralera arte eskatu daitezke alumnosfpbsakana@gmail.com e-postan.
| Sakanako eguberri saskiaren edukiak | ||
| Produktua | Ekoizlea | Herria |
| Gazta zaharra | Juanane | Arbizu |
| Gazta urdin krema | Albi | Arruazu |
| Babarrun zakutxoa | Legarbe | Etxarri Aranatz |
| Gazta laurdena | Balda / Utxama | Unanu / Dorrao |
| Yogurtak (lau) | Jeingenekoa | Etxarri Aranatz |
| Eskuz egindako gailetak | Ogibeltz | Urdiain |
| Ardoa | Mendiko | Oibarre |
| Eztia | Erlan | Jaitz |
| Marmelada | Casa Paulina | Artaza |
| Txorizoa eta saltxitxoia | Ubei | Arbizu |
