Euskara herrian bertan praktikatu eta, bide batez, jendea ezagutzeko aukera eskaintzen du Mintzakide programak. Hainbat arrazoirengatik sakandar askok ez dute euskara erabiltzeko aukerarik edo ohiturarik; izan daiteke ikasten ari delako, ohituragatik beraien etxean edo lagun artean hitz egiten ez dutelako, ikasitakoa ahaztu duelako… Mihiari herdoila kendu eta euskaraz hobe hitz egin nahi dutenek Mintzakiden izena emateko aukera dute.
Programa horrek hizkuntza praktikatzeko jende talde txikiak sortzen ditu, lauzpabost lagun. Haietako batek euskara gehiago daki eta bidelagun gisa aritzen da praktikatu nahi dutenekin. Taldekideen nahiaren arabera toki batean edo bestean elkartzen dira: elkarte, taberna, kafetegi, zinema, edota mendian edo paseatzen. Guztiei eskatzen zaien bakarra da astean behin ordu batez euskaraz hitz egitea da. Izen ematea dohainik da. Aukera baliatu nahi duenak 600 482 024 telefonora Whatsapp mezua bidali edo sakana_mintza@aek.eus e-posta helbidera idatzi dezake. Sakanan euskara praktikatzeko talde gehiago sortzeko lanean daude sustatzaileak.
| Sakanako Mintzakide taldeak | |||
| Herria | Eguna | Ordua | Tokia |
| Irurtzun | Asteartea | 18:00 | Iratxo elkartea |
| Osteguna | 09:00 | Pikuxar | |
| Ostirala | 19:00 | Pikuxar | |
| Uharte Arakil | Ostirala | 17:30 | Amaia okindegi kafetegia |
| Lakuntza | Asteazkena | 18:30 | Jubilatu elkartea |
| Arbizu | Asteazkena | 18:00 | Kiroldegiko taberna |
| Etxarri Aranatz | Ostirala | 19:00 | Xapatero taberna |
| Altsasu | Astelehena | 10:00 | Gure Etxea eraikina |
| Astelehena | 16:00 | Gautxori taberna | |
| Osteguna (euskalkia) | 20:00 | Lezea Taberna | |
| Ostirala | 09:00 | Kaixo taberna | |
| Ziordia | Ostirala | 16:00 | Liburutegia |
