Emakumeak protagonista dituen Mainamikirri kontakizun herrikoiean oinarritutako Castillo Suarezen liburuan oinarritu da Haize Berriak banda Mainamikirri ipuin musikatua sortzeko. Anne Perez de Azpeitia konositorea arduratu da musika konposatzeaz, eta Haize Berriak bandak eta Dantzarima dantza taldeak oholtzara eramanen dute, obraren dramaturgia garatu duen Eva Azpilikueta antzezlearekin batera. Mustutzea martxoaren 9an, larunbata, 19:00etan izanen da, Altsasuko Iortia kultur gunean. Sarrerak agortu dira, eta bigarren emanaldia eginen dute martxoaren 10ean, igandea, 19:00etan, Irurtzungo Bi Aizpe frontoian. Sarrera orokorrak 8 eurotan eros daitezke, 14 urtetik beherakoek 6 eurotan eta 3 urtetik beherakoek doan, Irurtzuko Udaleko webgunean edo kultur etxean ikuskizuna baino ordu bat lehenagora arte.
Haize Berriak taldeak duela urtebete baino gehiago sortu zuen proiektua gauzatuko du emanaldi hauekin, Burunda inguruko kondaira batekin Sakanako herri kultura sustatzea helburu duena. Ohiko ildoari jarraituz, ikuspegi berritzaile eta integratzailearekin egin du proiektu hau.
'Mainamikirri' ipuin musikatuaren fitxa artistikoa
Sakanako Haize Berriak Banda
Dantzarima Dantza Konpainia
Musika zuzendaria: David Sanchez Andion
Zuzendaritza artistikoa, antzezlea eta dramaturgia: Eva Azpilikueta Martinez
Konpositorea: Anne Perez de Azpeitia Hamilton
Koreografia: Irantzu Gonzalez Azpiroz
Ipuin herrikoiaren itzulpena eta egokitzapena: Castillo Suarez
Soinu eta argi teknikaria: Jorge Cordon
Ilustrazioa: Joxemari Martinez Morkots
Jatorrizko ekoizpena eta ideia: Haize Berriak Banda
