Itzuliak Sakanan igaro zituen bi egunak zoragarriak izan ziren zaleendako. Tamalez, Etxarri Aranatzen hasi zen etapa bukaera tristea izan zuen, faborito nagusien erorketa zela medio. UAE Emirates taldean lan itzela egin zuen Igor Arrietak, eta bere taldekide Juan Ayusok irabazi zuen Itzulia. Iker Mintegi (Euskaltel Euskadi) pozik dago Itzulian egindako debutarekin, eta Gorka Izagirrek (Cofidis) ezin izan zuen Itzulia bukatu.
Jendetza bildu zen Altsasuko etapako bukaeran eta Etxarri Aranazko etapako hasieran. Zaleek gertu izan zituzten euren izarrak eta Itzuliak mugitzen duen guztiarekin txundituta geratu ziren.
