Albisteak,
- STOP AHT Zundaketak prentsaurrekoa eginen du urriaren 30ean, goizeko 11:30etan, Etxarri Aranazko Kultur etxean (Kale Nagusia 20, Etxarri Aranatz). Ekitaldian, AHTaren Nafarroako korridorea Euskal Y-arekin lotzeko bi aukeretako bat aukeratzeari begira AHTaren zundaketa kanpainaren hasiera salatuko dute. Otxobiko kontzejuko presidenteak esan zuenez, lehen zundaketa hau Otxobiko kontzejuari eta Izako Udalari inolako komunikazio ofizialik eman gabe hasi da. Prentsaurrean, STOP AHT Zundaketak ekimenak zundaketen aurkako protokoloa aktibatzeko hurrengo urratsak zeintzuk izanen diren azalduko dute eta azaroaren 2an, larunbata, Iturmenditik abiatuta egingo den hurrengo mendi martxaren xehetasunak jakinaraziko dituzte.
- Lakuntzako Udalak jakinarazi du hiru eta landa lur kontribuzioaren aurtengo bigarren seihilabetekoa ordaindu beharra dagoela. Ordainketa egiteko borondatezko epea azaroaren 13an despedituko da. Udal ordainketak helbideratuta dituztenei aipatu epearen aurretik dagokiena kontu korrontean kargatuko diete. Ordainketak helbideratuta ez dituztenek jaso duten ordainagiriarekin kutxa edo banketxeren batera joan beharko dute ordainketa egitea. Udalak gaztigatu duenez, epea pasata, ordaindu gabeko ordainagiriak premiadun bidetik kobratuko ditu.
- Etxarri Aranazko Udalak jakinarazi du bake epaile titularraren eta haren ordezkoaren karguak hutsik daudela. Ardura hartzen interesa duten herritarrek azaroaren 19ra arteko epea dute eskaerak udaletxeko bulegoan aurkezteko.
- Urdiaingo Udalak basoaren 2024-2025 urteetarako ustiapen eta hobekuntza planari jarraituz, 60.354,10 euroko balioa duen baso aprobetxamendua saldu nahi du. Bi lote dira salduko dituena. Aurrena basabean dago eta harengandik udalak 29.110,59 euro eskatzen ditu; pagoz eta haritzez osatuta dago. Salgai jarritako atzeneko lotea basabean eta bargan dago, pagoz osatuta dago eta 31.243,51 euroko balioa du.
Kirolak,
- Pilotan, Nafarroako Jubenilen Lau eta Erdiko Txapelketa, gaur Etxarrenen. 27. Guillermo Mazo Memorialeko jardunaldian Irurtzun klubeko bi pilotari ariko dira lehian.
Urriaren 29ko Lekunberriko emaitzak:
-Zudaire (San Miguel) 22 / Martinez (Ardoi) 11
-Gomez (Ardoi) 22 / I. Ijurko (Larraun) 12
-Martikorena (Ultzama) 05 / Perez (Ardoi) 22
-Goikoetxea (Larraun) 22 / Olarra (Irurtzun) 11 - Gaur Urriaren 30 jardunaldia, 18:00etan, Etxarrenen:
-Zubiria (Irurtzun) / Eraso (Ardoi)
-Gracia (Zugarralde) / Goñi (Ardoi)
-Arregi (Aurrera) / Esain (Esteribar)
-Yaben (Irurtzun) / Mues (S. Francisco Javier) - Areto Futbolean, Hirugarren mailako seigarren jardunaldian kolpe gogorra jaso zuen Aralar Mendik Ribera de Navarraren kontra. Gauzak ongi hasi ziren Aralar Mendirendako, Eneko Cruzek 1-0 aurreratu baitzuen etxeko taldea. Tuterako taldeak berehala berdindu, eta 1-2 aurreratu zen. Lehiak bizi-bizi jarraitu zuen, Mounir El Akkarik bina berdindu baitzuen, baina Erriberakoek airea hartu eta 2-5eko aldea hartu zuten. Mounir El Akkarik 3-5 gerturatu zuen Aralar Mendi, baina Ribera de Navarrak erasoan eta Aralar Mendi estutzen jarraitu zuen, eta, azkenean, 3-7 gailendu zen. Gazte Berriak talde da hirugarren mailako liderra (12 puntu), eta Aralar Mendi bederatzigarren postura jaitsi da. Asteburuan ez da jardunaldirik jokatuko. Zazpigarren jardunaldian Aralar Mendik sailkapenean zazpigarren eta arerio zuzena den San Juan hartuko du, azaroaren 9ko asteburuan.
-
Areto Futbolean, Lehen maila Autonomikoan seigarren jardunaldia jokatu zen. Arbizu Kirol Taldeak Cascanten jokatu zuen, Canteraren kontra, eta arbizuarrek sari ederra ekarri zuen Erriberatik, 2-4 gailendu baitziren. Mattin Petriatik eta Urtzi Nazabalek 0-2 aurreratu zuten Arbizu, baina Canterak bina berdintzea lortu zuen. Arbizuarren garrari esker, Urtzi Nazabalek beste bi gol sartu zituen, taldeari garaipena emanez eta berak hat tricka lortuz. Altsasuk atseden jardunaldia zuen. Anaitasuna da lehen maila autonomikoko liderra (16 puntu). Arbizu da bigarrena (13 puntu) eta Altsasu zazpigarren (7 puntu). Asteburuan ez dago jardunaldirik. Hurrengo asteburuan Arbizu Kirol Taldeak Subiza Cendea de Galar hartuko du, eta Altsasuk Tafallan jokatuko du, Vulcanizados Ruiz Tafaren kontra.
-
Emakumezkoen Lehen Senior Mailan bosgarren jardunaldia jokatu zen. Antsoainen jokatu zuen Xotak, Gazte Berriaken kontra. Partida hasi eta berehala Naia Lizarragak Xota aurreratu zuen. Gazte Berriak saiatu zen, baina Xotak ongi eutsi zion. Azkenean, 33. minutuan Gazte Berriakek bana berdintzea lortu zuen, eta partida puntu banaketarekin despedituko zela zirudienean, Gazte Berriakek garaipenaren gola sartu zuen. Lacturale Orvinak segitzen du lider (15 puntu). Xota seigarren da (6 puntu). Asteburuan seigarren jardunaldia jokatuko da. Azaroaren 2an, larunbata, Xotak Azkarrena taldea hartuko du, Atakondoan, 16:00etan.
-
Areto Futbolean, Emakumezkoen Lehen Senior Mailan bosgarren jardunaldia jokatu zen. Antsoainen jokatu zuen Xotak, Gazte Berriaken kontra. Partida hasi eta berehala Naia Lizarragak Xota aurreratu zuen. Gazte Berriak saiatu zen, baina Xotak ongi eutsi zion. Azkenean, 33. minutuan Gazte Berriakek bana berdintzea lortu zuen, eta partida puntu banaketarekin despedituko zela zirudienean, Gazte Berriakek garaipenaren gola sartu zuen. Lacturale Orvinak segitzen du lider (15 puntu). Xota seigarren da (6 puntu). Asteburuan seigarren jardunaldia jokatuko da. Azaroaren 2an, larunbata, Xotak Azkarrena taldea hartuko du, Atakondoan, 16:00etan.