Albisteak,
- Olatzagutiko Udalak jakinarazi du Akelarre ludotekak azaroaren 13an, asteazkenean, zabalduko dituela ateak. Udal zerbitzua erabili nahi duten gurasoek ludotekan bertan egin beharko dute izen ematea, astelehenetik ostegunera, 6:00etatik 19:00etara. Izena emateko orria bete eta zerbitzuagatik dagokiona bertan ordaindu beharko da. Ume bakarragatik bost euro ordaindu beharko dira, zortzi bi anai-arreba edo gehiagok izena ematen badute. Udalari aldez aurretik hala eskatuta, tarifa ordaintzetik salbuetsita egongo dira beren ekonomia prekarietatea egiaztatzen duten pertsonak. Horretarako, Oinarrizko Gizarte Zerbitzuek emandako txostena beharko dute.
- Estatu kolpea pasa eta 88 urtera, Uharte Arakilen frankismoak errepresaliatutakoak eta eraildakoak izan zituzten gogoan. 1936-2016 Uharte Arakil 80 urte memoria galtzen taldeak antolatu zuen ekitaldia.
- Tanta hotzak Valentzian hildakoak utzi zituen. Eta, horrekin batera, hainbat herritan kalte material izugarriak eragin zituen. Valentziako herritarrei elkartasuna adierazteko produktuen bilketak egin ziren joan zen astean. Altsasuko DYAren bajeran, atzera ere, bilketari ekinen diote. Azaroaren 13tik 15era, asteazkenetik ostiralera 11:00etatik 14:00etara eta 17:00etatik 20:00etara egonen dira bilketa egiten. Boluntario gisa aritu nahi dutenek 669 77 49 93 telefonora hots egin dezakete. Honakoak jasoko dituzte: arropa garbitzeko xaboia, leungarria, garbiketa materiala, erratzak, pertzak, lanbasak, palak, erratz handiak, lixiba, margo txuria, brotxak, etxetresna txikiak, musukoak, norbera babesteko ekipamenduak, botak, eskularruak, zapiak, garbiketarako zapiak eta jateko pasta. Gaztigatu dutenez, nahikoa esne eta ur dute.
Kirolak,
- Futbolean, Asteburuan Elomendiko Futbol Txapelketako zazpigarren jardunaldia jokatu zen. Zaldua Arakilek eta Rokak aurretik jokatu zuten partida, eta talde arakildarrak ez zuen punturik batu. Horrela, lidergoan aldaketak egon dira. Bar Olmo da lider berria (19 puntu), Salinasen (18 puntu) eta lehen postutik hirugarrenera jaitsi den Zaldua Arakilen (17 puntu) aurretik. Asteburuan jokatuko den zortzigarren jardunaldian Zalduak sailkapenean hamabigarren den Modernillo hartuko du larunbatean, 15:30ean, Larrabiden.
- Futbolean, Emakumezkoen Preferenteko zazpigarren jardunaldian atseden hartzea zegokion Altsasuri, baina lidergoan ez da aldaketarik egon eta altsasuarrak segitzen dute lider (18 puntu), 3 puntura Gazte Berriak Antsoain (15 puntu) dutela. Azaroaren 17an, igandea, Altsasuk sailkepenean seigarren den Peña Sport taldea hartuko du 12:30ean Dantzalekun.
- Futbolean, Altsasuk Amaya hartu zuen Dantzalekun. Partida oso serioa egin zuten bi taldeek. Lehen zatian nor baino nor aritu ziren bi taldeak, 46. minutuan Altsasuko Joaquin Angel Lladok Amayaren atea zulatu zuenera arte. (1-0). Bigarren zatian lehiak bizi-bizi jarraitu zuen, eta 80. minutuan bana berdintzea lortu zuen Amayak. Bi taldeak berdinketa apurtzen saiatu ziren, eta partida puntu banaketarekin despedituko zela zirudienean, 90. minutua gaindituta Mikel Etxaizek eta Unai Calvok garaipenaren golak sartu zituzten, eta 3-1 irabazi zuen Altsasuk. Etxarri Aranatzek Asdefor hartu zuen San Donato zelaian. Partidak kolore gorria izan zuen, Etxarri Aranazkoa, etxarriarrek goitik behera agindu zutelako. Hasieratik hasi zen gol festa, eta, azkenean, 11-0 irabazi zioten Asdeforri. Aimar Lizarraga (2), Mikel Urrestarazu, Xabat Goikoetxea, Joanes Mikeo (2), Jon Erdozia (3), Mattin Altzelai eta Oihan Karasatorre izan ziren golegileak. Etxarri Aranatzek Asdefor hartu zuen San Donato zelaian. Partidak kolore gorria izan zuen, Etxarri Aranazkoa, etxarriarrek goitik behera agindu zutelako. Hasieratik hasi zen gol festa, eta, azkenean, 11-0 irabazi zioten Asdeforri. Aimar Lizarraga (2), Mikel Urrestarazu, Xabat Goikoetxea, Joanes Mikeo (2), Jon Erdozia (3), Mattin Altzelai eta Oihan Karasatorre izan ziren golegileak. Lakuntzako Lagun Arteak Lekunberrin jokatu zuen Beti Kozkor B taldearen kontra. Lakuntzarrek ez zuten gupidarik izan eta hasieratik aurrea hartu zuten, 29. minuturako 0-4 aurreratuz, Sael Ozoriak (2), Yonatan Davilak eta Borja Ganboak sartutako golei esker. Atsedenaldia baino lehen Iker Anduezak bosgarrena sartu zuen. Bigarren zatian itxura bera izan zuen partidak. 80. minutuan Alvaro Codonek Lagun Artearen seigarrena sartu zuen, eta partida bukatzear zela Beti Kozkorrek partidako gol bakarra sartu zuen. 6-1 irabazita, Lagun Artea pozik itzuli zen etxera. Lakuntzako Lagun Arteak Lekunberrin jokatu zuen Beti Kozkor B taldearen kontra. Lakuntzarrek ez zuten gupidarik izan eta hasieratik aurrea hartu zuten, 29. minuturako 0-4 aurreratuz, Sael Ozoriak (2), Yonatan Davilak eta Borja Ganboak sartutako golei esker. Atsedenaldia baino lehen Iker Anduezak bosgarrena sartu zuen. Bigarren zatian itxura bera izan zuen partidak. 80. minutuan Alvaro Codonek Lagun Artearen seigarrena sartu zuen, eta partida bukatzear zela Beti Kozkorrek partidako gol bakarra sartu zuen. 6-1 irabazita, Lagun Artea pozik itzuli zen etxera. Altsasuk lidergoa du jokoan. Altsasuk jarraitzen du erregional mailako lider, orain arte jokatutako zortzi partidak irabazi eta gero (24 puntu). Etxarri Aranatz hirugarren jarraitzen du (18 puntu), eta Lagun Artea bederatzigarren postura igo da (12 puntu). Altsasuk hitzordu garrantzitsua du atzetik segika duen San Jorge bigarrena izango baitu aurkari azaroaren 16an, Sanduzelain, 18:00etan. Lidergoa dago jokoan. Etxarri Aranatzek egun berean, larunbatean, sailkapenean hamabosgarren den Mendillorriren kontra jokatuko du, 15:45ean, Soto Lezkairun. Bukatzeko, Lagun Arteak Leitzan jokatuko du sailkapenean hamahirugarren den Aurreraren kontra, azaroaren 16an, 11:00etan, Ardiskil zelaian.