Maiatzaren 16an jokatuko da XX. Aitzkibil lasterketa solidarioa, Urdiainen. Urdiaingo Tintiniturri, Iturmendiko Aitzkozar eta Bakaikuko Bakarrekoetxea elkarteek antolatzen dute, eta aurten Yala Nafarroa Palestinarekin elkartea lagunduko du.
Haurren lasterketak 17:00etan hasiko dira, eta helduen proba 18:00etan. Proba luzeak 7,6 km ditu eta hiru herriak batuko ditu, eta laburrak 4,3 km eta Urdiain eta Iturmendi artean jokatuko da. Izena ematea zabalik dago Dantzaleku-Sakana.com webgunean eta egunean bertan Urdiaingo Tintiniturrin (haurrak doan eta helduek 10 euro). Askaria eta oparia izango da denondako, eta irabazleendako trofeoak.