Dona Maria kaleko goiko parteko lana da udal kontuetan aurreikusitako inbertsiorik handiena: 212.000 euro. Baina badira gehiago. Patxi Bengoetxea alkateak azaldu digunez, Eginorako bidea, Arbara, konpondu egin dute 5.000 eurorekin. Uholdeen eraginez sortutako kalteak konpontzeko Nafarroako Gobernuaren diru-laguntza izan dute horretarako, 2.800 euro. Bestetik, herri-lurretako larre batean itxitura jarri da, eta horretarako 17.000 euro bideratu. Landa Garapen Departamentuak emandako 9.000 euroko diru-laguntzarekin egin da lan hori.
Azkenik, Bargan pago landarea ugari zegoen, oso itxia, eta bakandu egin da. Horretara 14.600 euro bideratu ditu Ziordiko Udala Nafarroako Gobernuaren 6.000 euroko diru-laguntzarekin. Atera den materiala egur gisa saldu da, udalarendako diru-sarrera bihurtuz. Beste diru sarrera bat Eginoko haitzaren azpian, harrobiaren mendebaldera dagoen Basoitxiko pinudiko 3 baso aprobetxamendu saldu zituen udalak. 140.000 euroko balioa zuten baso aprobetxamenduak 162.000 eurotan saldu zituen udalak.
Ziordiko Udalak 347.000 euro kudeatuko ditu. Hori da 2018ko aurrekontuan dagoen kopurua.
Erlazionatuak
Lanak Dona Maria kaleko goiko partean
2018 abe 14 Ziordia