Larunbata, urriak 26

10:00

'Ongi zaintzen eta maitatzen ikastea' tailerra, Kontxi Lopez Soriaren eskutik, Emai programaren barruan

Emai, Altsasuko Emakumeen Ahalduntzeko Gunea programaren barruan askotako jarduera garatu dituzte, tartean Ongi zaintzen eta maitatzen ikastea tailerra: "Geure burua nahiz beste batzuk nola zaintzen ditugun hausnartuko dugu. Norbere zaintzarako espazioa eraikiko dugu, sentimendu desatseginak eraldatzen joateko, gu geu zaintzeko eta hobeto sentitzen ikasteko". Urriaren 12an, 26an eta azaroaren 9an, larunbatetan, 10:00etatik 13:00etara izanen dira tailerrak, eta Kontxi Lopez Soria izanen da irakaslea. Tailerra gaztaleniaz izanen da. 

12:00

Iturrock 2024: Txalainak, Barrena, Hasta la Polla eta Muga Zero taldeak

Urriaren 26an, larunbata, zenbat iturmendiarrek Iturrock jaialdiaren bigarren edizioa antolatu dute Eztanda Irratiaren, Iturmendiko Gazte Asanbladaren, Aitzkozar elkartearen eta udalaren laguntzarekin. Txalainak, Barrena eta Hasta la Polla tributu taldeak eta Muga Zero taldea egonen dira. Eguraldi txarraren aurreikuspenak direla eta, jaialdia Iturmendiko frontoian izanen da. Iturrock 2024 12:00 Jolasak.13:00 Frito-pote.15:00 Bazkaria (12 euro). Ondoren, bingo musikatua. 20:00 Txalainak; Hertzainak taldearen tributu akustikoa. 23:30 Barrena; Barrikadaren tributua. 01:00 Muga Zero. 02:30 Hasta la Polla; La Polla Recordsen tributua. Ondoren, musika Gaztetxean.

18:00

Gazte agenda: 3D Inprimagailuak ikastaroa, Sarean Euskaraz programaren barruan

Urriaren 26an, larunbata, 3D Inprimagailuak ikastaroa izanen da, 18:00etatik 20:00etara, Altsasuko Intxostiapunta gunena: "Badakizu gai zarela zeure objektuak sortzeko 3D inprimagailu baten bidez? Objektu bat sortzeko, diseinatzeko eta modelatzeko prozesu guztia segituko duzu objektua inprimatu arte. Baita saretik diseinuak eskuratzeko eta partekatzeko aukera ere". Ikastaroa Sarean Euskaraz programaren barruan eginen dute, eta aurretik izena eman behar da sareaneuskaraz.eus webgunean.

18:00

Pikuberfest garagardo azoka

Urriaren 26an, larunbata, Pikuberfest garagardo azoka ospatuko dute Irurtzungo euskal txokoan. Alemanian ospatzen den Oktoberfesten antzera, Pikuxarren hainbat garagardo aukera izanen da.

19:00

Primital Brothers kontzertuan

Urriaren 26an, larunbata, Primital Brothers ahots laukotearen, soinu onomatopeikoen bidez umorez eta musikaz beteriko emanaldia emanen du, 19:00etan, Olatzagutiko kultur etxean. Ikuskizunak 2019ko Avignongo Antzerki Jaialdian publikoaren musika ikuskizun onenaren saria jaso zuen. Olaztiko kontzerturako sarrerak 6 eurotan eros daitezke, aurretik erosita, Olaztiko Udaleko webgunean edo kultur etxean, eta 8 eurotan egunean bertan kultur etxeko txarteldegian.

10:00

22:00

Erakusketa kolektiboa: Doris Vicente, Agus Lizarraga eta Luisa Aldaburu

Urrian Doris Vicente, Agus Lizarraga eta Luisa Aldaburu margolarien erakusketa kolektiboa ikusgai izanen da Irurtzungo Pikuxar tabernan.

19:30

20:30

XIII. Arte Azoka

Urriaren 18an, ostirala, 19:30ean, mustuko dute Artebide taldeak antolatutako XIII. Arte Azoka, Altsasuko Iortia kultur gunearen erakusketa aretoan. DJ Sevillanoren emanaldia izanen da mustutzean. Azaroaren 18ra arte egonen da ikusgai Sakanako artisten lanen erakusketa. Urriaren 20an, Altsasuko ferietan, kalera aterako dute azoka. XIII. Arte Azokan parte hartzen duten artistak: Beatriz de la Vega, Joseba Salegi, Patricia Paats, Helena Santano Cid, Marijostai, Lali Burgoa De la Cal, Maite Miguel Zufiaurre, Mikel Montesinos, Sagri Mauleon Ezkutari, Patxi Zelaia Romeral, Jule Costa Mendia, Jesus Mari Olmos Amillano, Argine Berastegi Lizarraga, Carlos Rivera Lauria, Cristina Fernandez, Rosa Arnanz Zufiaurre, Josetxo Crespo Zulet, Txuspo Poyo, Koldo Arnanz Zufiaurre, Alfredo Hoyuelos, Ana Goikoetxea Salazar, Jose Mari Morcillo, Jesus Ignacio Miguel Amoztegi, Adela Sanchez Martín, Txarli Poyo, Arturo Arrizabalaga Artista gonbidatuak: Juan Manuel Fernandez Cuichan, Sara Pinto, Hoskai, Cabeza de Artista, Ana Martinez de Eulate, Emilia Centeno Patiño, Raquel Ingles Craqui, Labea.

19:00

21:00

'La habitación de al lado' filmaren emanaldia

Urriaren 24an eta 27an, osteguna eta igandea, Pedro Almodobar zinemagilearen eta Julianne Moore eta Tilda Swinton protagonizatzen duten La habitación de al lado filmaren emanaldia izanen da, Iortia kultur gunearen areto nagusian. Sinopsia: Ingrid eta Martha oso lagunak izan ziren gaztetan. Biak aldizkari berean lan egiten zuten, baina Ingrid autofikzioko eleberrigile bihurtu zen eta Martha gerrako erreportari. Bizitzaren zirkunstantziek banandu egin zituzten, eta, urte askotan kontakturik izan gabe egon ondoren, berriz ere muturreko egoera batean aurkitzen dira... Saioak: Urriak 24, osteguna, 19:00etan, Iortia kultur gunearen areto nagusian (4,5 euro).Urriak 27, igandea, 19:30ean, Iortia kultur gunearen areto nagusian (aurretik, 5 euro; egunean bertan, 6 euro). Hizkuntza: gaztelania.

19:00

21:30

'Una casa en llamas' filmaren emanaldia

Urriaren 24an eta 27an, osteguna eta igandea, Dani de la Orden zinemagilearen Una casa en llamas filmaren emanaldia izanen da, Iortia kultur gunearen areto txikian. Sinopsia: Montse oso hunkituta dago familia guztiarekin asteburu bat pasatzear dagoelako Cadaquesen. Aspaldi dibortziatuta dago, bere bikotekide ohiak bikote berria du, seme-alabak hazi egin dira eta aspaldi ari dira bere bizitza egiten. Montseri ezerk eta inork ez dio lortuko gogoak izorratzea; denbora gehiegi dago une honen zain, denbora gehiegi amesten duela berarekin: asteburu hau bai edo bai asteburu aproposa izango da..., horretarako dena erre behar badu ere. Fitxa artistikoa: Emma Vilarasau, Enric Auquer,Maria Rodriguez Soto, Alberto San Juan, Clara Segura, Jose Pérez-Ocaña, Macarena Garcia, Flavio Marini, Noa Millan, Zoe Millan, Jose Perez Ocaña. Saioak: Urriak 24, osteguna, 19:00etan, Iortia kultur gunearen areto txikian (4,5 euor). Urriak 27, igandea, 19:30ean, Iortia kultur gunearen areto txikian (5 euro). Hizkuntza: jatorrian katalanez.

18:30

20:00

II. Arto Jardunaldiak: bertako hazien barietateen inguruko hitzaldia, dastaketa eta artoa jasotzeko auzolana

Azaroaren 2an eta 3an, larunbata eta igandea, II. Arte jardunaldiak izanen dira, Uharte Arakilen. Besteak beste, auzolanean arto uzta bilduko dute; bi txanda izanen dira, 10:00etan eta 13:30ean eta 15:00etan eta 18:00etan, eta parte hartzaileek izena ematean txanda noiz eginen duten aukeratu behar dute. 672 688 591 telefonoan edo dastatusakana-ren instagramean eska daiteke informazio gehiago eta eman daiteke izena; izena ematea doakoa da eta parte hartzaileek ekotalo bat eta edaria doan izanen dute. Gainera, haurrendako talo tailerra izanen da, baita talo postuak, arto hazien banaketa eta Nafarroako Hazien Sareko postua ere. Urriaren 25ean, ostirala, bertako hazien inguruko hitzaldia izanen da. Jardunaldia urriaren 26an eta 27ko astebururako deituta zegoen, baina eguraldi txarraren aurreikuspenak zirela eta, antolakuntzak aste bat atzeratzea erabaki du. II. ARTO JARDUNALDIAKUharte Arakil Urriak 25 ostirala 18:30, Alhondegia Hitzaldia: Landatutako bioaniztasuna. Bertako hazien eta barietateen berreskurapena eta mantentzea.Ondoren, antzinako artozko produktuen dastaketa eta erakusketa partehartzeilea Ekotaloren eskutik. Azaroak 2 eta 3, larunbata eta igandea 10:00 - 13:30 Arto uzta auzolanean biltzeko goizeko txanda. 14:00 Haurrendako doako talo tailerra. 15:00 - 18:00 Arto uzta auzolanean biltzeko goizeko txanda. 18:00 Haurrendako doako talo tailerra. Egunean zehar, talo postua, arto hazien banaketa eta Nafarroako Hazien Sareko postua.

19:30

20:30

'Emakume baten borroka eta metamorfosia' antzezlanaren emanaldia

Urriaren 25ean, ostirala, euskaraz, eta 26an, larunbata, gaztelaniaz, Emakume baten borroka eta metamorfosia (Lucha y metamorfosis de una mujer) antzezlanaren emanaldia izanen da, 19:30ean Iortia kultur gunean.Edouard Lousen eleberriaren egokitzapena, amari duintasuna publikoki itzultzeko beharrezko berrelkartze hunkigarria. Eneko Sagardoy aktore bizkaitarra da protagonista, Lucía Quintana y Vito Rogado aktoreekin batera; seme baten eta haren amaren arteko elkarrizketa da antzezlanaren oinarria. Sarrerak 8 eurotan eros daitezke; gaztelaniazko saiorako oso sarrera gutxi gelditzen dira.