Laura Mitengik martxoaren 20an, ostirala, 'Akabo' liburuaren inguruko solasaldia egingo du, Ihabarko herriko etxean, Literatura Geraldiak programaren barruan.
Martxoaren 20an, ostirala, 18:00etan, Amaia Arangiz Oiarbide, Olatz Monreal Oiarbide, Olatz Azazeta Pelaez eta Olaia Eguzkitza Diego altsasuarrek Norvegiako Zirkulu Polar Artikora egindako bidiaren inguruko Mendiko eskia Zirkulu Polar Artikoan proiekzioaren aurkezpena eginen dute, Iortia kultur gunean, Altsasuko Mendigoizaleak klubak antolatuta. Emanaldian mendiko eskia benetan zer den azaldu nahi dute, "zer egiten dugun, zein erabaki hartu behar izaten ditugun, eta zenbat gozatzen dugun".
Martxoaren 20an, ostirala, 18:00etan, Altsasuko jubilatuei bideratutako Ikastetxetan emateko belaunaldien arteko tailerren inguruko informazio batzarra eginen dute, jubilatuen elkartena. Baloreetan hezitzeko tailerrak izanen dira, eta gaztelaniaz eta euskaraz izanen dira. Jubilatuak parte hartzera animatu ditu udalak.
Martxoaren 20an, ostrirala, 19:00etan, Sakana Harrera Haranak Arrazismoa, faxismoa eta gerra inperialisten kontrako kontzetrazioa deitu du, Altsasuko udaletxearen aurrean.
Martxoaren 20an, ostirala, 20:00etan, Antton Telleriaren Ni ni ni bakarrizketaren emanaldia izanen da, Iortia kultur gunean: egolatriari egindako oda lotsagabea, baita zintzotasun ariketa bat ere; bere buruarekin duen harremenaz, bere izenaz, bere bikotekideaz, komikoa izateaz eta bertsolariaz ez izateaz hitz egingo du. Sarrerak 15 eurotan eros daitezke Iortia kultur gunearen webgunean eta txarteldegian.
Hizkuntza: Euskara
Martxoan Irurtzungo pintura taldeko artisten Urrezko garaia deitutako erakusketa ikusgai izanen da, Pikuxar eta Tahona tabernetan, Irurtzungo Emakume Taldearen Emakumeari Buruzko XXXIII. Jardunaldien barruan.
Martxoaren 31ra arte, Iortia kultur gunearen aretoen arteko pasilloan, Ijito herriaren 600 urteko historia erakusketa izanen da, Secretariado Gitano Fundazioa erakundeak antolatuta.
Martxoaren 19an, osteguna, Atharratzera, Korrika hasierara, joateko autobusa antolatu dute Lakuntzan; liburutegian eman daiteke izena. Martxoaren 20an, ostirala, 18:00etan, Korrika txikia antolatu du herriko Korrika batzordeak, eta 21etan, larunbata, 19:00etan, kultur etxean, Laburbira euskaraz sortu eta ekoitzitako film laburren zirkuituaren emanaldia izanen da. Martxoaren 23an, 15:49ean, pasako da Korrika Lakuntzatik, eta hurrengo egunean, 24an, Mintzapraktika antolatu dute jubilatuen elkartean. Korrika kulturalarekin amitzeko martxoaren 27an, ostirala, 17:00etan, liburutegian, Bi eta bat soinudun ipuinak, Bapateanzirko taldearen ipuinak eta soinuak nahasten dituen ipuin kontaketa izanen da.
Martxoaren 20an, ostirala, 18:00etan, Alsasuko Intxostiapunta gazte gunean berdintasunean jolaten txokoa izanen da. Martxoaren 21ean, larunbata, Iruñeko Saltinera irteera eginen dute gazte gunetik; aurretik izena eman behar da, 10 eurotan, eta 13:15ean abiatuko dira, Aita Barandiaran aurrean dagoen autobus geltokitik. Itzulera 17:15ean izanen da.