Bakaikoa eta Elizegi txapelketa bikaina eginda iritsi dira finalera. Etxarriarrak ongi ikusten du bere burua, "erasokorrago", eta finalerako "oso gogotsu" dago. Final "oso gogorra" aurreikusten du, "Zabalak eta Etxeberriak huts gutxi egiten dituztelako eta atzean oso bikote indartsua" direlako, baina "dena" emango du Promozioko Binakako txapela janzteko, Buruz burukoa eta Lau eta Erdietakoa dituenez, Promozioko trilogia itxiko lukeelako.
Joanes Bakaikoa
"Promozioko Buruz Buruko eta Lau eta erdiko txapelak ditut. Binakakoa lortzea ederra litzateke"
Joanes Bakaikoak eta Iker Elizegik Javier Zabala eta Oier Etxeberria dituzte arerio larunbatean Labriten jokatuko den Promozioko Binakako Txapelketako finalean
