Estalpeko lanak despedituta

Barazki gune berritua gaur hasiko diren festetan mustuko dute irurtzundarrek.

Alde batetik, Maldadia eraikuntza enpresako langileak aldamioak kentzen. Eta, bestetik, festetan Barazki Gunea kudeatuko duten gazteetako batzuk hura egokitzeko lanean. Horrela zegoen atzo goizean Barazki Gune berritua. Izan ere, Irurtzungo Udalak han estalpea jarri du. Festekin mustuko dute espazio berritua. Eta haren zorua ospakizun egunetan zikintzeak “pena” ematen ziela aipatu du Aitor Larraza Carrera alkateak, horregatik, zorua babesteko plastikoa jarri dute. Estalpearen eraikuntza lanak apirilaren 4an hasi ziren eta atzo despeditu zituzten. Estalpeak 276.500 euroko aurrekontua izan du, udalaren diruzaintzako gerakinarekin finantzatu dena. 

Barazki Gunea San Martin kalean kokatuta dago. Eta kale horren zati handi bat, kasik Lizarra kaleko bidegurutzetik gorantz, konpondu zuten duela hiru aste. Zegoen asfaltoa kendu, berria jarri eta haren gainean zegokion seinaleztapena margotu zuten.

Erlazionatuak

Barazkiguneak estalpe berria izanen du aurten

Irurtzun

Egungo fatxada mantendu eta gaur egun karpa hartzen duen espazioan estalpe finkoa jarriko da. Metalezko habeen gainean egurrezko egitura duen teila...
Barazkigunea karparik gabe

Irurtzun

Estalpea eraikitzeko lehen pausoa emana dago.
Irudi bidez azoka zena azalduz

Irurtzun

Brun forjak 50 bat irudi jarri ditu Irurtzungo Barazki guneko baranda berrian. Haien bidez garai bateko azokaren berri ematen da. Irurtzundarrei et...