Gursgoendako memoria justizia eta erreparazioa

Ekitaldia Arakilgo, Uharte Arakilgo,  Etxarri Aranazko, Altsasuko, Olatzagutiko eta Ziordiko udal antolatzaileen adierazpenekin hasi zen. Nabarmendu zutenez, “iraganaren ezagutza funtsezkoa da gure oraina eta etorkizunari aurre egiteko. Iragan horrek norberaren eta gizartea beraren memoria behar du eta memoria horrekin batera, iragan horretan bai indibidualki bai kolektiboki sufritutako zauriak erreparatu ere. Izandako hainbat giza eskubide urraketa memoria eta erreparazioa behar dute justizia egoteko”.

1939 eta 1945 artean Gurseko kontzentrazio eremuan izan ziren egon zirenek izan zituzten bizi baldintza txarrak gogorarazi zuten eta baita pertsona haiek euren “etxe eta herriak uztera behartuta ikusi” zirela ere. Pertsona haiek guztiak “ gure historia-memoriaren zati dira eta, horregatik, erakundeen eta gizarte guztiaren memoria, justizia eta erreparazioa merezi dituzte”. Eremuan izan ziren sakandar guztien izenak zerrendatu zituzten. Udalen ordezkariak alkateak izan ziren, Arakilgo kasuan salbu, Maria del Mar Esparza Luri izan zen.