Heldu den ikasturtean Hezkuntza Departamentuak, Hezkuntza eta Lanbide Heziketako Ministerioarekin lankidetzan, teknologia aplikatuko 6 gela eta ekintzailetzako 9 gela ezarriko ditu Nafarroako sareko Lanbide Heziketako ikastetxeetan. Gela horietako bat Sakana Lanbide Heziketa institutuan jarriko da.
Espazio berri horiek haien moldagarritasuna bermatuko dute, hainbat arlo kontuan hartuta, konektibitateari eta oinarrizko ekipamenduari dagokionez banda zabal ultra azkarra wifia eta zuntz optikoz konektatuta egonen dira; agertoki birtualak eta presentzialak eta beste edozein modalitate trukatzeko gaitasuna izanen dute; akustika eta argiztapen baldintza egokiak izanen dituzte; altzariak izanen dituzte lan eremuak eta Wall-Art diseinu eremuka; aldez aurreko teknologia analisiak egingo dira, ikastetxeak duen hardware eta software teknologia maila ezagutzeko eta espazioa baliozkotzat jotzeko. Gehitzen joango diren espazioak, unean uneko beharren arabera konfiguratu daitezkeen beharretara egokituta.
Ikasgela horiek honako ekipamendua izanen dute: informazioa aurkezteko elementu digitalak, ukipen pantaila, kalitate handiko proiektagailua, irakasleari urrutiko eta aurrez aurreko edukiak idazteko eta partekatzeko aukera ematen dion elkarlaneko arbela, irakaslearen estaldura une oro bermatuko duten streaming bidezko bereizmen handiko kamerak, mikrofonia direkzionala eta gelaren ezaugarrietara egokitutako sonorizazioa, zentroen arteko eta komunitateen arteko lankidetza plataformak, sistema aplikatuen inprimagailuak, sistema mistoak eta sistema eskaneoak eta sistema birtualak.
Sortutako espazio berriek aukera emanen dute ezagutza areagotzeko, esperimentatzeko eta erabakiak hartzeko, baliabide guztiak aprobetxatzeko, eta hezkuntzaren eraldaketa gaitzeko, teknologia liderrarekin eta ekosistema jasangarri batekin.
Ekintzailetza gelak
Gela horien helburua da tresna ireki, malgu eta lagungarri bat izatea, ikasleei beren hasierako ibilbidean laguntzeko eta gure gizartean ekosistema ekintzaile egonkor bat sortzeko. Ikasgela horien helburua da ikastetxeko ikasleen eta ikasle egresatuen ekimen ekintzaileak bideratzea, haiek ematen dituzten ideia ekintzaileak orientatzeko, gidatzeko eta babesteko sistema baten bidez. Hasierako fase kritiko horien euskarri teknikoa da, batez ere ikasle gazteenendako.
Ekintzailetza gelen helburu orokorrak hauek dira: ikastetxeko ikasleak sentsibilizatzea ekintzailetzari buruz, oro har, eta haren bertsio sozial, iraunkor edo kolaboratiboari buruz; "Soft-Vocational Skills" (trebetasun pertsonalak, sozialak eta profesionalak) finkatzea, zeharkako eta beharrezko trebetasun gisa ikasleengan, ekintzaile gisa garatzeko eta haien autonomia, konfiantza eta enplegagarritasuna sustatzeko; esparru fisiko bat sortzea, sormena, berrikuntza, erakundeen arteko lankidetza, eta, erakundeen arteko lankidetza eta hezkuntza arloko lankidetza sustatzeko;