Astekaria

Saihesbidearen bigarren fasearen finantziazioa lotuta

Saihesbidearen egitasmoaren lehen fasea. NAFARROAKO GOBERNUA

Izurdiagatik A-15 autobiara irteera egiteko finantziazioa lotu da Nafarroako Gobernuaren eta EH Bilduren aurrekontu akordioarekin.

Nafarroako Gobernuaren 2021eko aurrekontu aurreproiektuan Irurtzungo saihesbideren bigarren faserako dirua egonen da. Gobernuak lastailaren 27ko bilkuran onartu zuen Foru Legearen aurreproiektua. EH Bilduk eskatuta, 10 milioi euroko balioa zuten proposamenak sartu ziren. Horien artean dago Irurtzungo saihesbidearen lanen bigarren fasea. Hau da, Izurdiagatik Iruñea aldera A-15 autobiara lotura eginen duen errepide berria egitea. Foru administrazioak aurreikusitako kopurua 300.000 eurotan handitu da EH Bilduk hala eskatuta, lotura osorik egiteko. Bigarren faseko lanek milioi bat euro inguru balio dute. 

Aitor Larraza Carrera alkateak jakinarazi duenez, hilabete bukaeran espero dute saihesbideko lanak hastea. Lehen fasean Lizarra kalea eta Akaborro industrialdea lotuko dituen 300 metro luzeko errepidea eginen dute. Lanak bederatzi hilabete irautea aurreikusten dute. Bigarren fasean Izurdiagatik A-15 autobiara lotura eginen da, Iruñeko norabidean. Lan horiek heldu den urterako aurreikusita daude. 

Erlazionatuak

Saihesbidea egiteko lanak eman dituzte

Irurtzun

Herri Lanen Departamentuak 1,1 milioi eurotan esleitu du Irurtzungo saihesbide berria, herri erdiguneko trafikoa arintzeko eta bide segurtasuna hob...
Saihesbidea eta autobiako irteera lotuta

Irurtzun

Lizarra eta Aralar kaleak lotuko dituen errepide berriak trafikoa eta segurtasuna handituko ditu heldu den urtean. 2022an, berriz, Izurdiagako saih...