Kultura, Kirol eta Turismo Departamentuak Urbasako kanpinean egin beharreko lan bat Tejados Aoiz SM enpresari eman dio 481.287,07 euroren truke (BEZik gabe). Bi eraikin nagusietan eginen diren lanak honakoak dira: gela anitzeko eraikinaren estalkia berritzea eta isolamendu termikoa hobetzea eta iragazgaiztea; etxebizitzaren eta tabernako eraikinaren eraikin osagarriaren teilatua berritzea eta isolamendua termikoa hobetzea eta iragazgaiztea; zerbitzu higienikoen blokeen teilatua berritzea eta isolamendu termikoa hobetzea eta iragazgaiztea; bungalowetarako ur beroa sortzeko eraikineko teilatuaren iparraldeko isurialdea berritzea; bi eraikin nagusietako kanpoko arotzeriak berritzea; langileen etxebizitzetara sartzeko bi eskailerak iragazgaiztea; ur bero eta berogailurako uraren ekoizpen-gelan fototermia instalatzea eraikin nagusietarako eta zerbitzu-eraikinerako eta, azkenik, etxeko ur beroaren instalazioak legionelaren araudira egokitzea.
Bestetik, departamentuak iturgintza, saneamendu, elektrizitate eta suteen kontrako lanak egiteko deialdia egin zuen abenduan. Lanak eman gabe gelditu dira.
