"Aurtengo helburu nagusia CBASK-eko bi juniorrak eta emakumeen seniorra berreskuratzea da"

Altsasuko CBASK saskibaloi klubak zortzi talderekin ekin dio denboraldiari. Iazko hiru talde oso garrantzitsu desagertu dira, junior mailako emakumeen eta gizonen taldeak, eta emakumezkoen senior taldea, joan zen denboraldian lehen senior mailako Lauko Finaleko txapelduna izan zena. CBASK-eko koordinatzaile Iosu Mendiola Marañonek klubaren helburu nagusia talde horiek berreskuratzea dela nabarmendu du.