Sustapen Ministerioak Abiadura Handiko Trenaren (AHT) Iruñea eta Gasteiz arteko lotura Sakanan barna egin nahi duela jakinarazi genuen joan den astean. Mapa eta guzti. Baina gauza bat da mapa ikustea eta bestea ibilbidea bera bertatik bertara edo irudietan ikustea. Horregatik, Guaixetik proposamena egiten dizugu irakurle: zure herritik, edo ingurutik, AHTko aurreikusitako ibilbidea pasatzen bada, argazkia ateratzea, guri bidaltzea, web orriaren eta astekariaren bidez partekatzeko. Guztien artean Sakanako AHTren balizko ibilbidearen argazki albuma sortuko genuke.