Urriaren 23an, asteazkena, 18:00etan, Familia Harrera Sakanaren inguruko hitzaldi informatiboa antolatu du Altsasuko, Olatzagutiko eta Ziordiko Oinarrizko Gizarte Zerbitzuak, Altsasuko Gure Etxean. Nafarroako Gobernuko familia saileko kide batek emanen du hitzaldia, eta tartean harrera familia zer den eta nola izan daitekeen azalduko dute.
Urriaren 23an, asteazkena, Ipuinen Kulunkan musika eta dantza nahasten dituen Haize Loira Matxiñenaren ipuin kontaketa izanen da, 18:00etan, Olatzagutiko liburutegian; urte bat eta hiru urte bitarteko haurtxoendako bideratuta dago, eta sarrera doakoa da, edukiera bete arte.
Urriaren 23an, asteazkena, Altsasuko liburutegiaren euskarazko irakurketa klubaren ikasturteko lehenengo topaketa izanen da, 18:00etan, Iortia kultur gunearen erabilera anitzeko gelan. Aintzane Mendizabal idazlearen Odolekoak liburuaren inguruan ariko dira.
Urrian Doris Vicente, Agus Lizarraga eta Luisa Aldaburu margolarien erakusketa kolektiboa ikusgai izanen da Irurtzungo Pikuxar tabernan.
Urriaren 18an, ostirala, 19:30ean, mustuko dute Artebide taldeak antolatutako XIII. Arte Azoka, Altsasuko Iortia kultur gunearen erakusketa aretoan. DJ Sevillanoren emanaldia izanen da mustutzean. Azaroaren 18ra arte egonen da ikusgai Sakanako artisten lanen erakusketa. Urriaren 20an, Altsasuko ferietan, kalera aterako dute azoka. XIII. Arte Azokan parte hartzen duten artistak: Beatriz de la Vega, Joseba Salegi, Patricia Paats, Helena Santano Cid, Marijostai, Lali Burgoa De la Cal, Maite Miguel Zufiaurre, Mikel Montesinos, Sagri Mauleon Ezkutari, Patxi Zelaia Romeral, Jule Costa Mendia, Jesus Mari Olmos Amillano, Argine Berastegi Lizarraga, Carlos Rivera Lauria, Cristina Fernandez, Rosa Arnanz Zufiaurre, Josetxo Crespo Zulet, Txuspo Poyo, Koldo Arnanz Zufiaurre, Alfredo Hoyuelos, Ana Goikoetxea Salazar, Jose Mari Morcillo, Jesus Ignacio Miguel Amoztegi, Adela Sanchez Martín, Txarli Poyo, Arturo Arrizabalaga Artista gonbidatuak: Juan Manuel Fernandez Cuichan, Sara Pinto, Hoskai, Cabeza de Artista, Ana Martinez de Eulate, Emilia Centeno Patiño, Raquel Ingles Craqui, Labea.