Maiatzaren 9an, osti r ala, 18:00etan, Burunda frontoian (Iortia zabalgunean aurreikusita zegoen, baina eguraldi txarragatik lekualdatu dute), Dantzaz kopainiaren Verdantz dantza ikuskizunaren emanaldia izanen da. Haiekin batera Altsasuko BHIko, Jesusen Bihotzako, Andra Mari ikastolako eta Iñigo Aritza ikastolako ikasleek egindako koreografiak eginen dituzte ere. Ikasleen dantzak konpainiako dantzari profesionalen gidaritzapean astean zehar ikastetxeetan egindako erresidentzian sortutako koreografiak izanen dira. Nafarroako Antzoki Sareak antolatutako Oholtzara Salto programaren barruan dago ekimena, eta arte eszenikoak gazteei gerturatzea du helburu.
Maiatzaren 9an, ostirala, 18:30ean, Parkea martxan! ekimenaren bilera izanen da, parkearen prozesuaren hurrengo urratsei buruz hitz egiteko. Batzarra parkean izanen da.
Maiatzaren 9an, ostirala, 19:00etan, Urdiaingo udaletxearen aurrean, Euskaraldian izena emateko eta photocalla eginen dute.
Maiatzaren 9an eta 10ean, ostirala eta larunbata, San Migel festak ospatuko dituzte iturmendiarrek.
Apirilaren 30ean, asteazkena, Jaio Lertxundiren Mari, lamiak eta basoko aztarnak erakusketaren mustutzea izanen da, 18:00etan, Iortia kultur gunearen erakusketa aretoan. Erakusketa maiatzaren 18ra arte ikusgai egonen da. Naturara itzultzeko gonbidapena egiteko eta begiradak aldatzeko proposamena egiten du erakusketak.
Maiatzaren 9an, ostirala, 18:00etan, Kaeruren eskutik Aholkularitza emozionala ekimena izanen da, Intxostiapunta gazte gunean. Martxoaren 10ean, larunbata, ODSren hamairugarren jolasa eginen dute gazteek: Klimaren aldeko ekintzak.
Maiatzaren 1ean, osteguna, bazkari mexikarra antolatu dute Iturmendiko Aizkozarren. Ondoren, zuzenezko musika mexikarra izanen da ere. Bazkariko irabaziak Euskaraldiaren alde izanen dira. Bazkariaren aurretik, maiatzarekin batera euskara altxatzeko deia eginen dute, Iturmendiko plazan, eta Euskaraldiko txapa banaketa eta izena emateko mahaia izanen dira. Iturmendiko Euskaraldiaren egitarauaren barruan, maiatzaren 9an, ostirala, 19:00etan, Batu Euskaraldiari! ekimena antolatu dute, eta gurdiarekin kalejira eginen dute herrian zehar. Hurrengo egunean, maiatzaren 10ean, larunbata, Ospatu euskaraz! deitutako ekimenean photocalla eginen dute, San Migel festen auzatean.