Martxoan Irurtzungo pintura taldeko artisten Urrezko garaia deitutako erakusketa ikusgai izanen da, Pikuxar eta Tahona tabernetan, Irurtzungo Emakume Taldearen Emakumeari Buruzko XXXIII. Jardunaldien barruan.
Martxoaren 26tik apirilaren bukaerara arte Mikel Montesinos argazkilari altsasuarraren argazki erakusketa izanen da, Irurtzungo Pikuxar tabernan. Argazkilariaren Beste begirada eta Esentzi onirikoa erakusketen argazkiak ikusi ahalko dira erakusketa berri honetan.
Martxoaren 31ra arte, Iortia kultur gunearen aretoen arteko pasilloan, Ijito herriaren 600 urteko historia erakusketa izanen da, Secretariado Gitano Fundazioa erakundeak antolatuta.
Martxoaren 27an, ostirala, 17:30etik 20:30era, Sexgunea sexologia zerbitzua izanen da, Intxostiapunta gazte gunean. Larunbatea, 29an, 18:00etatik aurrera, Gazte zinema izanen da.
Martxoaren 28an eta 29an, larunbata eta igandea, Irurtzungo kultur etxean, Juglares Irurtzungo Antzerki Taldearen antzezlanaren emanaldiak izanen dira; larunbatean bi saio izanen dira, 19:00eta eta 21:00etan, eta igandean 19:00etan, eta larunbateko bigarren saiorako (21:00etan) baino ez dira sarrerak geratzen. Romeo eta Julieta istorioaren berrirakurketa prestatu du aurten Angel Sagues antzerki taldeko zuzendariak.