Otsailaren 23an, igandea, 18:30ean, Arg(h)itzen torturak Sakanan utzi duen aztarnaren inguruko eta auzolanean egindako film dokumentalaren emanaldia izanen da, Etxarri Aranazko kultur etxean. Sarrera librea izanen da.
Otsailaren 28an, ostirala, 19:00etan, Galdakaoko Andra Mari dantza taldearen Momotxorroak: Kaos baten istorioa dokumentalaren emanaldia eta Jon Eguskiza eta Kepa Otaegi zuzendari eta gidoilarien solasaldia izanen da, Iortia kultur gunean. Ikus-entzunezkoak, besteak beste, dantza taldeak 1970. hamarkadan Altsasuko inauterien berreskurapenean egindako lana erakusten du. Berreskurapenean parte hartu zutenen hitzak jasotzen ditu ere: Patxi Goikoetxea, Amaia Oiharbide, Enrike Zelaia, Satur Leoz (altsasuarrak), Juan Antonio Urbeltz, Mikel Zamalloa, Koldo Telleria eta Manu Jauregi dira elkarrizketatuak. Altsasuko Udalak proiektua lagundu zuen. Sarrerak 3 eurotan eros daitezke, Iortia kultur gunearen webgunean eta txarteldegian (gutxi gelditzen dira).