Osteguna, azaroak 14

18:30

20:30

Latinoamerika hizpide: ikus-entzunezkoa, mahai ingurua eta auzatea, Txingurriyek taldeak antolatuta

Azaroaren 14an, osteguna, Txingurriyek taldeak antolatutako Latinoamerikari buruzko ikus-entzunezkoa, mahai ingurua eta auzatea izanen dira, 18:30etik aurrera, udaletxeko areto nagusian. Mahai inguruan Uruguayko Rita Torricok, Argentinako Analia Troncosok eta Brasilgo Monique Godinok parte hartuko dute.

18:30

20:00

Zientzia eta Tekonologia tailerrak: Egun batez

Etxarri Aranazko Liburutegiak Elhuyar elkartearekin batera, eta Nafarroako Liburutegin Sarearen laguntzarekin, Zientzia eta Teknologia tailerrak antolatu ditu. Hiru tailer izanen dira: urriaren 17an, osteguna, Zientzia eta teknologia erronkak; azaroaren 14an, osteguna, Egun batez, eta urtarrilaren 16an, osteguna, Elektrizitate tailerra. Tailerrak 18:30etik 20:00etara izanen dira, eta Sakanako emakume zientzialariek emanen dituzte. 7 eta 10 urte bitarteko gazteei bideratutako dago, eta parte hartzeko 948 461 181 telefonoan edo biblietx@navarra.es epostan izena eman behar da. Zientzia eta teknologia tailerrak Etxarri Aranazko liburutegian Urriak 17 osteguna Zientzia eta teknologia erronkak: Zientzia eta teknologiari buruz gazteek dituzten aurreiritziak baztertuko dituzte, eta gai horiekin erlazionatutako esperimentuak ikusteko eta egiteko aukera izango dute. Azaroak 14 osteguna Egun batez: Kimikaren, fisikaren eta biologiaren inguruko kontzeptu garrantzitsuak ikasteko aukera izango dute, hianbat esprimenturen bitartez: erreakzio kimikoak, presioa, karga elektrikoa, pigmentuak, DNA... Urtarriak 16 osteguna Elektrizitate tailerra: gazteek elektrizitatearen oinarriak ikasiko dituzte esperimentazioaren bitartez: patata elektrikoa, plastilina eroalea...

19:00

21:00

'Bernoa' liburuaren aurkezpena, Juan Luis Larraza egilearen eskutik

Azaroaren 14an, osteguna, 19:00etan, Juan Luis Larraza Lakuntza idazle etxarriarrak Bernoa liburuaren aurkezpena eginen du, Iturmendiko herrianetxeko auzogelan. Nobela historikoa da Larrazak idazi duena, eta XIII. eta XIV. mendeetako Etxarri Aranatzen oinarritzen da. GK Komunikazioak argitaratu du liburua.

19:30

21:00

EHBilduren oinarrizko ponentziaren aurkezpen-eztabaida

Azaroaren 14an, osteguna, 19:·0ean, EHBilduren oinarrizko ponentziaren aurkezpena eta eztabaida izanen da, Etxarri Aranazko kultur etxean.

10:00

'Bi anaia' Jose Antonio eta Javier Perez Fabo artisten pintura eta eskultura erakusketa

Azaroaren 12tik eta hilabetea bukaerara arte Jose Antonio eta Javier Perez Fabo nafarren Bi anaia pintura eta eskultura erakusketa izanen da, Pikuxarren.

14:00

Palestinari buruzko erakusketak: historioaren panel informatiboak, liburuak eta Mohammed Zaanounen argazkiak

Azaroaren 5etik 29ra, Palestinari buruzko erakusketak izanen dira, Altsasuko liburutegian; Palestinaren historia azaltzen dituzten panelak, Mohammed Zaanounen argazkiak eta gaiari buruzko liburuak ikus daitezke. 13an gaiari buruzko Lidon Soriano doktorea eta erizainaren hitzaldia izanen da.

19:00

'Marco' filmaren emanaldia

Azaroaren 14an eta 17an, osteguna eta igandea, Aitor Arregi eta Jon Garaño zinemagile euskaldunen eta benetazko gertaeretan oinarritutako Marco filmaren emanaldia izanen da, Iortia kultur gunean. Sinopsia: Enric Marco Batlle Espainiako sindikalista izan zen, CNTko idazkari nagusi, eta Espainiako Amical de Mauthausen presidente. Elkartearen buru izan zen garaian, Marcok hitzaldi ugari eman zituen, batik bat ikastetxeetan, nazien esparruetatik bizirik nola atera zuen kontatzen. Geroago jakin zen bere biografiako datuak faltsutu zituela Flossenburgeko kontzentrazio-esparrutik bizirik atera zen pertsona gisa agertzeko. Fitxa artistikoa: Eduard Fernandez, Nathalie Poza, Daniela Brown, Chani Martin, Sonia Almarcha, Fermi Reixach, Vicente Vergara, Jordi Rico eta Julia Molins. Saioak: Azaroak 14, osteguna, 19:00etan, Iortia kultur gunearen areto nagusian (4,5 euro). Azaroak 17, igandea, 19:30ean, Iortia kultur gunearen areto nagusian (5 euro). Hizkuntza: gaztelania eta katalana (azpitituluekin).

19:00

'La cocina' filmaren emanaldia

Azaroaren 14an eta 17an, osteguna eta igandea, La cocina Alonso Ruizpalacios zinemagilearen filmaren emanaldia izanen da, Iortia kultur gunean. Sinopsia: The Grillen bazkaltzeko ordua da, gaur bezalako ostiral arrunt batean milaka bezero artatzen dituen New Yorkeko turistentzako tranpa. Dirua desagertu da kutxatik, eta langile guztiak galdekatzen ari dira. Legez kanpoko etorkinak dira gehienak, eta beren lana defendatzeko borrokatzen dira, munduan dagokien leku bakarra, hamaika plater prestatzen dituzten bitartean, jantokitik iristen den eskaera jario etengabearen erritmoari jarraitu nahian. Sukaldarietako bat Pedro da, bizitzan beste zerbait bilatzen duen mexikar gaztea. Fitxa artistikoa: Rooney Mara, Raul Briones, Anna Diaz, Motell Gyn Foster, Oded Fehr, Laura Gomez, James Waterston, Lee R. Sellars, Eduardo Olmos, Finnerty Steeves, Spenser Granese, Leo James Davis, Kerry Adra. Saioa: Azaroak 14, osteguna, 19:00etan, Iortia kultur gunearen areto txikian (4,5 euro). Azaroak 17, igandea, 19:30ean, Iortia kultur gunearen areto txikian (5 euro). Hizkuntza: gaztelania.    

19:30

XIII. Arte Azoka

Urriaren 18an, ostirala, 19:30ean, mustuko dute Artebide taldeak antolatutako XIII. Arte Azoka, Altsasuko Iortia kultur gunearen erakusketa aretoan. DJ Sevillanoren emanaldia izanen da mustutzean. Azaroaren 18ra arte egonen da ikusgai Sakanako artisten lanen erakusketa. Urriaren 20an, Altsasuko ferietan, kalera aterako dute azoka.