Mozorro garaia domekan hasiko da Altsasun, eta heldu den larunbatean despedituko da. Lehenik eta behin, Iortia Kultur Gunean herriko ikastetxeetako ikasleen marrazkien erakusketa dago ikusgai. Ihoteen ikuspegi koloretsua eman dute txikiek. Ikastetxeetako Guraso elkarteak izan dira erakusketa antolatu dutenak, Altsasuko Inauteri Batzordearekin.
Ospakizunei dagokienez, domekan inauteri txikia ospatuko da, asteartean herri inauteri entzutetsua eta hurrengo larunbatean piñata eguna.
Martxoak 2, domeka
17:30ean Erraldoiak eta buruhandiak Iortian.
17:30etik 21:00etara Txokolate jana eta mozorro festa A ze nolako parranda taldearekin Foru Plazan. Zezensuzkoa. Euria eginez gero Burunda frontoian.
Martxoak 4, asteartea
14:30ean Herri bazkaria, Burunda eraikinean (8 €).
16:30ean Puska biltzea, Alde Zaharrean.
16:30ean Momotxorro txikien elkarretaratzea Zumalakarregi plazan. Txokolate jana eta
odolaren erritoa.
17:00etan Momotxorro txikien irteera, Agoizko burrunbak, Txorongo Txarangak, Musika eskolako dantzari eta fanfarreak eta Irurtzungo Orritz taldearen joaldunek eta pertsonaia mitologikoek alaituko dute giroa.
17:30ean Herri merienda bildutako puskekin, Gure Etxean.
18:00etan Momotxorro txikiak Foru plazara iritsiko dira. Momotxorro txikien dantza. Ondoren momonsuzkoa (suzko momotxorroa).
18:30ean Kalejira Zelandiraino Orritz taldearekin. Torrada dastatzea Gure Etxean.
18:45ean Odolaren erritoa eta herri inauteriko elkarretaratzea, Zelandi pilotalekuan.
19:00etan Dantzaldia Ibai Berriak taldearekin Foru plazan.
19:30ean Irteera Zelanditik. Haize Berriak fanfarrea, Txorongo txaranga, Altsasuko txistulariak, Etxarriko gaiteroak, Xapiru trikitixa eskola eta Agoizko burrunbaz lagunduta.
Akelarrea eta sorginen dantza, Zumalakarregi plazan.
Ezkontza eta gosagarria Santa Kruz kalean.
21:00etan Foru plazara iristea eta Momotxorroen dantza.
21:30ean Ezkila jotzea, mozorroak kentzea eta akaberako momotxorroen dantza.
22:00etatik 00:30era Dantzaldia Ibai Berriak taldearekin.
Matxin gaiztoak
Altsasuko Gazte Asanbladak antolatuta, Matxin gaiztoek aktiboki hartuko dute parte astearte inauterian. Bazkari herrikoiaren ondoren bilkura egingo dute gaztetxean. Ondoren, kalejiran ibiliko dira Alde Zaharrean barna eta janari bilketa eginen dute. 18:30ean auzatea izanen da plazan eta 19:30ean herri inauteriko irteeran hartuko dute parte.
*Oharra: Hurrengo larunbatean, hilak 8, piñata inauteria izanen da.
