Ziordiko haurrak izanen dira beste behin garizuma bezperako eguneko protagonistak. Etzi, 17:00ak aldera, haur ziordiar guztiak bilduko dira, mozorrotuta. Kalejira alaia osatuko dute, musika lagun. Ibilbidea despeditu ondoren, Errekakartea elkartean txokolate gozoa merendatuko dute.
Mozorro originalenak saria izango du
Ziordiko liburutegiak inauterietako parte-hartzea bulkatzeko inauterietako lehiaketa deitu du. Mozorro originalena sarituko da. Sari banaketa asteazkenean egingo da, martxoaren 5ean, liburutegian.
Bestalde, eta inauteriak gaia hartuta, inauteriak marraztu edo inauteriei buruz ipuin bat idazteko gonbita egin du liburutegiak. Lanak martxoaren 7rako aurkeztu behar dira liburutegian bertan.
