Sakanako Mankomunitateak Arakil, Irurtzun, Irañeta, Arruazu, Ergoiena, Lizarragabengoa, Altsasu eta Ziordian dauden edukiontzi berdeak grisengatik ordezkatzen ari da abenduaren 2az geroztik. Bereizitako hondakinak beste edukiontzietan utzi behar dira, grisean errefusa bakarrik.

Azaroaren 25aren harira hainbat ekimen antolatu ditu Sakanako Berdintasunak, zenbait udalekin batera: azaroaren 22an, Sheila Melcon, Arbizun; 27an, zineforum, Hiriberrin; 30ean, antzerkia, Olaztin; abenduaren 13an, antzerkia, Irurtzunen; 14an, ipuin saioa eta ilustrazio tailerra, Unanun, eta 18an Garrazi Arrularekin solasaldia, Lakuntzan. Azaroaren 25ean mobilizazioak izanen dira, herrietan.